書二
講開書，我睇過既書大部份都係大學時候睇既，好似勞思光《哲學淺說》、《思想方法五講》，李天命既《李天命的思考藝術》、《破惘》、《從思考到思考之上》、《語理分析的思考方法》，呢度講既，都係我睇到好熟既書泥，至於個ｄ睇完等如無睇既或者已經唔記得既，就廢事講喇。
如果從未睇過哲學書，想對哲學有初步了解，睇《哲學淺說》其實是個不錯的選擇，但注意呢本書雖則係哲學入門，但裡面無所謂哲學問題，只重於哲學的定義問題，哲學課題的演變問題為多，即係如果你想得到所謂哲學一般性知識，其實應該去睇哲學概論，或者睇羅素本《哲學問題》。
不過，《哲學淺說》本書有一個講得幾有問題既地方，佢話，現代既西方哲學家已經漸漸承認東方也有另一種哲學，一個小證據係：從前西人寫他們的哲學史為「哲學史」，而羅素則會標名為「西方哲學史」。咁問題係，佢標名「西方哲學史」，係咪代表西方以外都有哲學史先？
咁，好簡單，我又可以用番佢係《思想方法五講》既一段說話泥破斥佢。當時佢大概話：有人覺得講「形式邏輯」一詞，好像意味著還有「非形式」的「邏輯」存在，但其實形式一詞只係特提「邏輯」的特性，正如，我地話「偉大的耶穌」，也不代表存在一個「不偉大的耶穌」吧，拿，而家我用番佢既講法，就會反問番佢，如果佢標名「西方哲學史」，就係代表西方以外都有哲學史，咁，我話「東方的孔孟思想」時係咪又意味著有一個「西方既孔孟思想」？
其實睇左咁多思考方法既書，都係覺得《思想方法五講》同《語理分析的思考方法》最有系統性因而最實用，其他既，當然係幾有趣，不過，值唔值得睇都係見仁見智。
Posted January 23rd, 2004 in 史哲.
個日遠足我帶左本李天命黎想話還番俾你, 但最後都冇還…………
唔知幾時先還到俾你呢………..???????
January 26th, 2004 at 1:05 am基本上幾時得
January 26th, 2004 at 8:17 pm